Ge-niinawind sa omaa Waadookodaading – endazhi-wiidookodaadiyaang niwii-naadamawaanaanig ningikinoo’amaaganinaanig da-nitaa-ojibwemotaadiwaad ge-mino-bimaadiziwaad. Mii omaa endazhi-maawanji’idiwaad da-ojibwemotaadiwaad, da-manaajitoowaad aki, miinawaa dash da-manaaji’idiwaad gakina bemaadizijig. Abinoojiinyag gikinoo’amaagoziwag odinwewiniwaa, odizhitwaawiniwaa, miinawaa gwayak ezhiwebak miziwekamig. Nimisawendaamin da-mamino-inendamowaad gikendaasowin da-gagwe-gwayakosidoowaad ezhiwebadinig omaa Akiing. Gakina gegoo gikinoo’amawaawag Ojibwemowin miinawaa izhitwaawin. Gakina gegoo nindizhichigemin ondinamang indizhitwaawininaan. Mii ezhi-dagosidooyaang ezhi-gikinoo’amawangidwaa agiw abinoojiinyag, ani-gikendaasowaad, ani-nitaawichigewaad, naa go gaye da-mino-giizhwewaad.